SIR atan BLO-te training pek an ni

Mizoram electoral roll a bik taka ennawnna, Special Intensive Revision (SIR) buaipuitu tur booth level officer (BLO), assistant/additional BLO leh BLO supervisor-te tana ni thum awh tur training nimin khan ṭan a ni.

BLO-te tana training hi IPR Direc-torate Auditorium, School Educa-tion conference hall leh Darlawn BDO conference hall-ahte buatsaih a ni a; Aizawl district-a Assembly constituency hrang hranga BLO-te an tel.

Nimina training-ah hian Aizawl North-I, Aizawl North-II, Aizawl East-I, Aizawl East-II, Aizawl West-I leh Aizawl West-II constituency chhunga BLO-te an tel. Vawiina training-ah Aizawl West-III, Aizawl South-I, Aizawl South-II leh Aizawl South-III constituency-a BLO-te an tel ang a, Darlawna training-ah Tuivawl biala BLO-te an tel dawn. Training ni thumna chu Aizawl North-III constituency-a BLO-te tan a ni ang.

Training-ah hian master trainer pali - Tlangnuam BDO Dr Lalchamliani, Aizawl East DCSO Lalruatpuii Hnamte, Finance under secretary Christina Lalmuanzuali leh assistant commissioner Hmingmawizuala ten thil pawimawhte an zirtir a ni.

SIR 2026 hi May 30, 2026-ah ṭan a ni dawn a, BLO-te'n an huam chhung ṭheuhah in tin tlawhin enumeration form an sem dawn a ni.