Thenzawlah career guidance

State Council of Education Research and Training (SCERT) hnuaia Educational and Vocational Guidance and Councelling Cell chuan nimin khan Thenzawl Joint YMA Hall-ah Thenzawl khuaa high school zirlaite tan 'Career Guidance and Awareness Campaign' an buatsaih.

He hunah hian Thenzawla high school panga - Thenzawl H/S, Lallengvunga H/S, Don Bosco School, Vantawng H/S leh Presbyterian English School aṭangin zirlaite'n zirlaite hma lam hun, an eizawnna tur kawng inkawh­hmuhna lam hawi a lem nen an entir a, a entute hnenah an hrilhfiah zel bawk.

Chawhnu lamah a khârna inkhawm hman niin, SCERT vocational gui­dance officer Caroline Zoramthangi'n a kaihruai a, DIET lecturer Lalrindiki'n hun hman dan tlangpui sawiin, Serchhip district education officer Lawmawma'n zirlaite fuihna thu a sawi. Serchhip DEO chuan, thingtlang khaw tê zawka zirlaite'n theihna an nei a, nihna sang tak an chelh thei tih sawiin, hlawhtling turin anmahni an pawimawh ber tih inhre turin zirlaite a fuih a ni.