Champhaiah SPC pakhat din tawh

Champhai District Level Steering Committee on Student Police Cadet (SPC) chu nimin khan district bawrhsap Alexander V Chongthu hoin an ṭhukhawm a; Champhaia sikul pakhat - GM High School-ah SPC din a nih tawh thu an tarlang.

Alexander V Chongthu chuan, SPC chuan naupangte pui­tlinna turah kawngro nasa takin a su thei tih sawiin, "SPC hian khua leh tui ṭha, khawtlang, ram leh hnam tana chhawrnah­awm siamna kawngah zirtirna zau takin a kalpui thei dawn a ni," a ti.

Champhai additional SP leh SPC nodal officer Francis Lalnun­tluanga Ralte chuan, SPC chu state dangah chuan chak taka kalpui a ni tawh tih sawiin, "Mizoramah pawh district tinah din a ni tawh a, hmalak mek zel a ni," a ti. Tun dinhmunah Champhai district-ah chuan GM High School-ah SPC din a ni tawh a, sikul dang pathum - Corner­stone School (New Champhai), Springdale Academy (Zotlang) leh Veng­thlang M/S-ahte din tumin sorkarah phalna dil mek a nih thu a sawi.