MSHCS Governing Body an ṭhu

Mizoram State Health Care Society (MSHCS) Governing Body chu October 31, Ningani khan chief minister Zoramthanga hoin CM Conference Hall-ah an ṭhu a; Health Care Scheme (HCS) hman mek chungchang an ngaihtuah.

Meeting-ah hian AB-PMJAY rate siamṭhat te, Mizorama damdawi-in hrang hrang classification kalpui chung­changte sawiho a ni a; damdawi-inte chu an len dan, thawktu awm dan, khawl neih ṭhat dan leh tehna dangte hmangin level hrang hranga ṭhen turin an rel a ni.

Sorkar thuchhuah tarlan danin, Mizoram sorkarin a pawmpui/thawhpui (empanelled) damdawi-inte chu an level azirin notified rate a danglam dawn a; Mizoram páwna damdawi-in, Mizoram sorkar nena inremsiamna neite pawh an rate chungchang sawiho a ni bawk. Meeting-ah hian Health minister Dr R Lalthangliana, Health & Family Welfare Board vice chairman Dr ZR Thiam­sanga, chief secretary Lalnunmawia Chuaungo leh member dangte an tel.