No Official Vehicle Day-ah bus tlan dan tur ruahman

Vawiin hi sorkar lirthei hman loh ní, 'No Official Vehicle Day' a ni a; Mizoram sorkar chuan sorkar lirthei ken chhuah a niih dawn loh avangin ruahmanna a siam a, sorkar hnathawkte chu city bus, line bus leh Mizoram State Transport bus hman dan tur a ruahman.

No Official Vehicle Day-ah hian sorkar hnathawkte hman tur bus ruahman an chu: Durtlang-Hlimen leh Ramrikawn/Sakawrtuichhunah zing dar 7 leh zing dar 9-ah city bus a tlan dawn a, Ramhlun Vengthar-Salem/Mualpui leh PUC gate thlengin zing dar 7 leh zing dar 9-ah line bus a tlan ang. Chaltlanga Transport Complex aṭangin zing dar 7-ah MINECO panin MST bus pahnih a tlan dawn bawk.

West Asia (Middle East)-a buainain tuialhthei lak luh a nghawng nasat avangin Prime Minister chuan state tinte chu inrenchem turin a ngen. PM ngenna bawhzuiin Mizoram sorkar chuan May 19, 2026 khan inrenchem dan tur a tichhuak a, thuleh awm hma zawng chawlhkar tin Nilaini apiangin 'No Official Vehicle Day' hi hman tur a ni.