Union Minister-in MULCO a tlawh; sangha a sem

Union Fisheries, Animal Husbandry & Dairying leh Pan-chayati Raj minister Rajiv Ranjan Singh chuan May 25, Thawhṭanni khan Ṭhuampuia Mizoram Milk Producer’s Cooperative Union Limited (MULCO) Dairy a tlawh a; nimin khan State Government Fisheries Farm, Lengpuiah sangha khawitute hnenah sangha notê leh sangha chaw a sem.

Rajiv Ranjan Singh hian MULCO a tlawhnaah hian Mizo Café leh FPO Office-cum-Sale Outlet a hawng a; MULCO Cow Ghee, baled silage, type-II cattle feed, dewormer leh mineral mix-ture product-te a tlangzarh bawk.

Mizoramin bawnghnute a la thar tlem hle thu leh state mamawh a la phuhrûk loh thu sawiin Minister chuan, "Kan chhehvel state-te lakah kan hnufual bik tur a ni lo. Hmarchhak state dangte kan ûm phak a, kan pelh theih nan ranvulhtu leh official-te'n ṭan in lak thar zel a ṭul. Ran vulh chungchanga Central sorkarin sum (matching share) a thawh dan a thlak danglam a, 75:25 ni ṭhin chu 90:10-ah thlak a ni tawh dawn," a ti.

MULCO hmunah hian Union Minister hian fisheries kaihhnawih certificate hrang hrang bakah, Fisheries KCC card, Best Startup in Fisheries Award leh Best Fisheries Cooperative recognition-te a sem a ni.

Rajiv Ranjan Singh hian hian nimin chawhma khan Lengpuia State Government Fisheries Farm-ah sangha khawitute hnenah sangha note leh sangha chaw a sem a; sorkar laipuiin sangha vulhtute tan hmachhawp tam tak a neih thu a sawi.

Lalan Singh hi minister of state Prof. SP Singh Bagel leh George Kurian te, Mizoram Fish-eries minister Lalthansanga leh official-te'n an ṭawiawm a ni.