Ruihhlo donaa hmalakna thlir let

Serchhip district bawrhsap Paul L Khuma kaihhruaiin May 25, Thawhṭanni khan District Level Narco Coordination Centre (NCORD) committee an ṭhukhawm. April 1, 2026 aṭanga May 25, 2026 inkarah ruihhlo kaihhnawihah Serchhip Police leh Excise and Narcotics department (END) mite'n mi pasarih an man tih tarlan a ni.

Tarlan danin, April 1, 2026 - May 25, 2026 inkarah Serchhip police-te'n heroin gram 46.95 (Rs 9,39,000 hu) leh zu chi hrang hrang Rs 1,66,800 hu an man a, ruihtheihthil kaihhnawihah mi pali an man. Hemi chhung vek hian END mi leh sate'n heroin gram 32.4 manin, a kaihhnawihah mi pathum an man a; an mi man zinga pakhat chu kumtlinglo a nih avangin Juvenile Justice Board-ah an thlen.