Alpha Hospital-in MUHCS an zawm

Alpha Hospital, Kulikawn chuan Mizoram Universal Healthcare Scheme (MUHCS) an zawm a, nimin khan Mizoram State Healthcare Society (MSHCS) hotute nen inremna an ziak. Alpha Hospital telin Mizorama mimal/kohhran damdawi-in 17-in MUHCS an zawm tawh.

MUHCS hi district paruka mimal/kohhran damdawi-in 17-in an zawm tawh a; chungte chu Aizawlah - JC Eye Hospital, Nazareth Hospital (Chaltlang & Ramhlun North), Redeem Hospital, Synod Hospital, BN Hospital & Research Centre, Eye Care Hospital leh Alpha Hospital te an ni.

Lungleiah - Christian Hospital, Faith Hospital leh John Williams Hospital; Siahah Maraland Gospel Centenary Hospital; Champhaiah DM Hospital leh MED-AIM Hospital; Serchhipah Mercy Hospital; Lawngtlaiah Christian Hospital leh Lairam Christian Medical Centre te an ni bawk.