NSUI hruaitute'n MPSC hotute an kâwm

National Students Union of India (NSUI), Mizoram hruaitute chuan an president C Lalhriatpuia hoin tun hnaia Mizoram Public Service Commission (MPSC) thil tih dik loh hrang hrangte nimin khan MPSC office-ah MPSC Secretary leh hotu dangte an sawipui.

Congress party zirlai pawl NSUI, Mizoram hruaitute chuan, tun hnaia nimin khan chetsualna hrang hrang vangin MPSC-ah ṭhalaite rinna a tlahniam nia sawiin, pawi an tih thu an hrilh a; nghet taka ding a, dik leh fel taka hna lakna kalpui tura an duh thu leh, tun hnaia an tihsualte siamtha tura hma an lak ngei an duh thu an thlen a ni.

MPSC hotute chuan an dinhmun sawifiahin, tun hnaiah Mizoram Engineering Service laknaa thil dik lo awm chhui chiang turin inquiry neih mek a nih thu an sawi a; NSUI hruaitute pawhin thil dik lote chhui chhuak a, mawhphurtute laka dan anga action lak a nih ngei kan beisei thu an sawi niin NSUI thuchhuah chuan a tarlang.

NSUI chuan, MPSC chu constitutional body, sorkarin a thunun theih loh khawpa thuneihna sang nei a nih avangin sorkar hlau loa hna lakna kalpui turin an phût tih an sawi bawk.