RUSA assistant professor-te lawm

RUSA Assistant Profes-sor Association Mizoram (RAPAM) chuan thuchhuah siamin, Mizoram sorkarin RUSA assistant professor-te dah nghet tura thutlukna a siam chu an lawm tak zet thu an tarlang.

RAPAM chuan, sorkarah dah ngheh an nih theihna tura Council of Ministers-in huaisen taka thutlukna an siam chu an lawm thu sawiin, "A bik takin chief minister Pu Lalduhoma, Higher & Technical Education minister Dr Vanlalthlana leh DPAR minister Pu K Sapdanga te chungah thinlung takin lawmthu kan sawi," an ti.

RUSA assistant profe­ssor-te chu UGC Regulation 2018 hmanga MPSC-in open advertisement kaltlanga dan dik taka a nghet tura kum 2019-a a lakte an nih thu leh, an chanvo tur hun rei tak chhung an chan theih loh hnuah, tuna sorkarin an chanvo dik tak pe tura thutlukna a siam chu an lawm tak zet thu an tarlang bawk.