Champhai MJA President a thi

Mizoram Journalists' Association (MJA), Champhai District president Lalhlupuia (65), Lenrual chanchinbu editor chu nimin zing dar 7:30 khan cancer natna vangin Champhai District Hospital-ah a thi a, nimin tlai khan an inah vui a ni. 

Kum 1960-a piang Lalhlupuia hi sikula zirtirtu a nih hnuah thu thar lak khawm leh thehdarh lamah a inhmang a; Chhawkhlei chanchinbu leh Chuailo (a hnuah Lenrual) chanchinbu a enkawl ṭhin bakah, kum 1992 aṭanga a thih ni thleng hian All India Radio (AIR), Aizawl Regional News Unit-ah PTC a ni. 

Kum 1998-a Champhai Journalist Association dintu zingah telin, ṭum ruk president a ni tawh a, a thih lai hian president a ni mek. MJA Gen. Hqrs leh district MJA-te chuan uina leh sûnna thu an tichhuak a ni.