KHAWTHLIR

ṬKP-in thisen pe

ṬKP, Zobawk South Bial chuan nimoin khan BCM Ebenezer Kohhran sunday school hall-ah thisen pek an huaihawt a; Civil Hospital, Lunglei tan thisen unit 51 an pe a, petute mipa 38 leh hmeichhia 13 an ni.

Hmeichhe nemngheh chungchang sawiho

Presbyterian Church of India (PCI) chuan nimin khan Serchhip Kawnpuiah hmeichhiate rawngbawlnaa nemngheh (ordain) chungchangah inràwnkhawmna an buatsaih. PCI hian Synod hrang hrangah hmeichhia nemngheh leh nemngheh loh chungchangah inràwnkhawmna an buatsaih chho a; Mizoramah chuan May 26, 2026 khan Kolasib-ah leh May 27 khan Aizawlah an lo buatsaih tawh a ni. Inràwnkhawmnaa ngaihdante chu PCI General Assembly-ah ngaihtuah leh a ni ang.

PARAKH Cell

Education minister Dr Vanlalthlana chuan nimin khan Mizoram Board of School Education-ah 'Performance Assessment, Review and Analysis of Knowledge for Holistic Development (PARAKH) Cell' a hawng.

Chawimawina hlan

Lungleia Chief Medical Officer Staff Welfare chuan nimin khan nurse hna thawk ṭha chawimawina - National Florence Nightingale Award dawngtu Vanlalthuami (health supervisor, Ayush Health & Wellness Centre, Theiriat) leh Lalenthangi Hnamte (health worker, Ayush Health & Wellness Centre, Tuichawng) te hnenah chawimawina an hlan.