Taxi leh auto rickshaw ten MizoTaxi hman an duh lo

Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owners Association (ADAROA) chuan thuchhuah siamin, sorkarin MizoTaxi a ruahman chu an duh loh thu an tarlang a, MizoTaxi application-ah inziak lut lo turin an member-te an chah.

MTA, ATTA leh ADAROA office bearer ṭheuhte chu May 30, 2026 zan khan an ṭhukhawm a; MizoTaxi online application hmang tura sorkarin a ti chu ṭha an ti lo. Hei vang hian MizoTaxi ruahmanna hi a rang thei ang bera sût a nih theih nan sorkara thuneitute dàwr an rêl a ni.

Pawl pathumte chuan an member-te chu MizoTaxi online application la (download) lo tur leh inziak lut (register) lo turin an chah bawk.

MizoTaxi hi online hmanga taxi koh theihna tur a ni a, Aizawlah July 1, 2026 aṭanga hman ṭan tura tih a ni. Aizawla four wheeler taxi, two wheeler taxi leh auto rickshaw te chu June thla chhungin Transport Complex, Chaktlangah inziak lut vek tura tih an ni a, inziah luh man kum khatah Rs 600 (thla khatah Rs 50) a ni. June 2026 chhunga inziak lut hman lote tan inziah luh man Rs 1,000 a ni ang.