Thla 2 chhungin damdawi-inte hnenah cheng nuai 1,960 pe

Sorkar kum kal mek (2026-27)-ah thla hnih chhungin Mizoram sorkar chuan Mizoram Universal Healthcare Scheme (MUHCS) hmangtu damlote enkawlna senso atan damdawi-inte hnenah cheng nuai 1,960 a pe tawh.

Mizoram State Healthcare Society (MSHCS)-in a tarlan danin, sorkar kum 2026-27 kal mekah April leh May thla chhung khan sorkar chuan damlo 6,426-te enkawlna senso atan MUHCS kalpuitu damdawi-inte hnenah Rs 19,60,68,229 a pe a ni.

MUHCS kalpuitu damdawi-inte hnenah Mizoram sorkar chuan MUHCS hmangtu damlote enkawlna senso April thla khan vawi hnih a pe a, damlo 2,615 enkawlna senso Rs 7,00,47,105 pek a ni. May thla khan vawi thum pek chhuah a ni a, damlo 3,811 enkawlna senso Rs 12,60,21,124 a ni.