KHAWTHLIR

MP hoin thukhawm

Lok Sabha MP Richard Vanlalhmangaiha hoin nimin khan Mamit DC conference hall-ah District Development Coordination & Monitoring Committee (DISHA) an ṭhukhawm. Richard Vanlalhmangaiha chuan, Mamit district hmasawnna atan theihtawp chhuah zel turin kal khawmte a chah a; department-te'n harsatna an thlente chu a theih anga hmalakpui a tum thu a sawi.

No Tobacco Day

Nimin khan Lunglei leh Saitualah World No Tobacco Day hman a ni a; thupui chu 'Unmasking the appeal – countering nicotine and tobacco addiction (Tawktarh îtawm phèna túr - vaihlo ngawl veina do lêt) tih a ni. World No Tobacco Day hi May 31 a ni a, kuminah Pathianni-ah a thlak avangin nimin khan Lunglei leh Saitualah hman a ni a; May 29 khan hmun eng emaw zatah hman a lo ni tawh bawk. Day-ah hian vaihlo leh a kaihhnawih ṭhat lohzia inzirtir hun hman a ni.

Lawmpuina hlan

Indian Red Cross Society, Mizoramin kumin May thlaa taxi driver ṭhaa an thlan mi pathum, AMC ward XVI-a mite chu bialtu corporator R Lalawmpuii, deputy mayor chuan nimin khan a pisaah lawmpuina a hlan. Chawi-

mawina dawngtute chu - B Lalpianmawia leh B Vanlalhruaitluanga, Bethlehem Vengthlang stand ve ve leh, PC Lal-hruaitluanga, Bethle-hem Veng stand-a mite an ni.

YMA Ruihhlo Do Street Campaign

Central YMA chuan May 29, 2026 tlai khan Lengpui Model-ah 'Ruihhlo Do Street Campaign' an buatsaih a, CYMA finance secretary MS Ralte leh CEC member dangte bakah, Lengpui Model Branch YMA member-te an tel. Inkhawm hi Lengpui Model YMA president H Vanlalfela'n a kaihruai a; CYMA Finance Secretary-in riuhhlo ṭhat lohzia leh ruihhlo donaa YMA hmalak dante a sawi a ni.

DC nih chhinna

Lunglei DC Navneet Mann hoin nimin khan zirlaite puala ni khat atana DC nih chhinna, 'Be DC for a Day 2.0' neih dan tur sawiho a ni a, zirlai 12-te nen June 17, 2026-ah neih turin an rêl. Ruahmanna hi zirlaite'n DC ni tura tumruhna leh phûrna an neih a, an tum hlen tura ruihhlo laka fihlim a pawimawhzia an zir chhuahna atana duan a ni.