BSF-a thawk tur lak chungchang MSU-in Home Minister an sawipui

Mizo Students Union (MSU) hruaitute chuan nimin khan Home minister K Sapdanga a pisaah an hmu a; BSF hna laka dan palzûtna nasat tak a awm nia an hriat chungchang leh, chumi vanga Aizawl Police Station-a FIR thehluh chungchang an sawipui.

BSF-a thawk tur lak chungchangah hian MSU chuan March 6, 2026 khan Aizawl PS-ah FIR a thehlut a; thla thum dáwn a liam hnuah pawh police-e'n an bawhzui dan an hriat avangin Home Minister an hmu a ni.

MSU hruaitute chuan, BSF-a thawk laknaah Mizorama chêng ni lote'n Mizoram mi leh sa anga document dik lo an siam chawp dan te, BSF-a an luh dante leh, MSU-in hma an lak zui dante Home Minister an hrilh a; tun aia chak zawka hma la tur leh, mi dik lote man vat an nih theih nan hma la turin Home Minister an ngen nawn a ni.

Minister K Sapdanga chuan, MSU thu thlente chu pawimawh a tih thu sawiin, BSF hna laka dik lo nia sawi chungchangah theihtawp chhuah a nih tur thu a sawi a; thil dik lo a awm a nih chuan huaisen taka do zel turin MSU hruaitute a chah bawk tih MSU thuchhuah chuan a tarlang.