Media-te leh sorkar hmalakna puanzar chungchang sawiho

Sorkar laipui hnuaia media unit-te leh Mizorama sorkar department ṭhenkhatte thawhhona, Inter Media Publicity Coordination Committee (IMPCC) chu nimin khan All India Radio, Aizawl conference hall-ah an ṭhu a; media chi hrang hrang chungchang leh sorkar hmalakna puanzar chungchang an sawiho.

Ṭhukhawm hi Doordarshan Kendra, Aizawl director (News) director Nampibou Marinmai-a’n a a kaihruai a; PIB, Guwahati joint director Pavni Gupta, PIB Aizawl head of office Dr Rajeev Lourembam, IPR joint director Mina Zoliani leh member dangte an tel.

Print media mai ni lo, digital media-a ṭan lak pawimawhna te, social media hrang hrang hmanga mipui hnena thuthar thehdarh pawimawhna te, thu dik lo laka mipui an chîâi loh na tura rang taka hmalak dan turte sawiho a ni.

Press Information Bureau, AIR, DDK, IPR leh state media hrang hrangte ṭha zawka an thawhho dan tur te, sorkar laipui scheme hrang hrangte a chhawrtu tur dik takte'n an chhawr theih nan inhriattirna (awareness) ṭha zawk a awm theih dan tur te, sorkar project leh hlawhtlinna te mipui hnena puanzar chungchang te sawiho a ni bawk.