Heroin leh morphine man

Saitual police (District Executive Force) chuan May 31, Pathianni khan Manipur lam aṭanga Aizawl pana tlan Ashok Leyland truck AS-01 JC-9512 aṭangin morphine kg 6.683 leh heroin gram 12 an man.

Police-in morphine an mante hi Rs 6,68,30,000 hûa chhût a ni a, heroin an man hi Rs 2,40,000 hûa chhût a ni. Lirthei khalhtu Raju Giri (32), Bokajan CF, Karbi Anglong, Karna-mani Das (26), Misamari, Nutun Bazar, Nagaon, Assam leh, Ganesh Das (40), Lal Ganesh, Banik Para, Kamrup Metro, Assam te manin, Saitual Police Statoin-te thubuai ziah luh a ni.