CYMA leh gas distributor-te'n gas Tihchingpen tawp dan tur sawiho

Central YMA hruai-tute leh Mizoram Indane Gas Distributor Asso-ciation-te chu Inrinni khan CYMA Office-ah an inkâwm a; CYMA president Lalbiakzuala'n kaihruaiin, Mizorama gas tihchingpen tihtawp dan tur leh hnianghnar zawka mipuiin gas an dawn theih dan tur an sawiho.

CYMA leh MIGDA-te chuan, Mizorama gas tihchingpen ṭhin hi tihtawp a nih theih nan, a ṭul anga thawhho zel ni se, gas bûk pawh la kalpui zel ni se, an ti a; Mizo mipuiin hnianghnâr taka gas an hmuh theih nan a ṭul anga hmalakho zel an rel.

Krismas leh kumthar vuakvetah mipui tan gas harsatna a awm lohna turin theihtawpa hmalakho an rel a; gas subsidy hi consumer-te'n an dawn theih nan Aadhaar card neih ngei a ngaih tawh avangin, Aadhaar card chak zawka siam a nih theih nan sorkarah thlen ni se, an ti bawk.