Champhai College-in Grade B++ an lawm

Champhai College chuan National Assessment and Accreditation Council (NAAC)-in Grade B++ a pek chu December 9, 2016 khan an lawm a, chief
minister Lal Thanhawla'n a hmanpui.

Chief Minister chuan, Champhai College-in NAAC accreditation second cycle-ah Grade B++ an hmu chu a lawmpui thu sawiin, "Ngawrh taka thawktu principal, zirtirtu leh zirlai naupangte ka lawmpui che u a, tun aia dinmun sang leh tha zawka inhlángkai turin zirtirtu leh zirlaite hi theitawp chhuaha ṭan la turin ka chah duh che u. B++ hmuh hian college changtlung tak a ni tih a pholang a ni," a ti.

Zirna in ṭha nei tur-in ruhrel (infrastructure) leh zirna boruak (academic atmosphere)
ṭha neih a pawimawh tih sawiin, Lal Than-hawla chuan, "Mizoram sorkar-in zirna pumpui háwl kima Education Reforms Commission (ERC) a din chu state anga a hmasa pawl a ni," a ti a; ERC-in rawtna an siamte tihlawhtling vek turin sum leh pai ṭha--
hnem tak mamawh a ni chungin, phâk tawkin tihlawhtling tura hma an lak zel thu a sawi.

Champhai College hi kum 1971-a din niin, zirlai 650 chuang an awm mek a, department 14 awm-in, zirtirtu 52 an awm mek a ni.

NAAC accreditation first cycle, kum 2004-ah Champhai College hian grade B a hmu a; second cycle-ah kumin August thla khan ni thum chhung-in NAAC Peer Team-in an endik a, grade B++ an hmu leh ta a ni.