Market sakna hmun tur tlawh

Lunglei Electric Veng-a agriculture market tur sakna tur hmun chu, Inrinni khan parliamentary secretary (Commerce & Industries) Joseph Lalhimpuia'n a tlawh.

Joseph Lalhimpuia chuan, "NABARD sum hmangin agriculture market sak tum a ni a, a sakna atan cheng nuai 700 vel ruahman chhin a ni. He hmunah hian agriculture market bakah Accounts & Treasuries office, Industries department enkawl tur weaving centre, multipurpose community hall leh lirthei dahna tur dah tum a ni," a ti.

Lunglei Electric Veng-a agriculture market sakna tura ruahman hi Electric Veng Branch YMA-in a thlawna an pek a ni.