Nau paite a thlawna inentirna buatsaih

Pradhan Mantri Surakshit Matritva Abhiyan (PMSMA) hnuaiah December 9, 2016 khan Lawng-tlai District Hospital OPD-ah leh Lawngtlai district-a damdawi-in (PHC leh CHC) hrang hrangah Lawngtlai district chhunga nu nau paite tan a thlawna inentirna buatsaih a ni a; nau pai mi ṭhahnem tak an inentir.

PMSMA-in a tum ber chu, nuin nau an pai hun chhung, second trimester (thla 4-6) leh third trimester (thla 7-9) chhungin vawi khat tal doctor hnenah an inentir theih nana hmalak a ni a; December 9-a free clinic-a inentirte chu a thlâwnin ultrasound, zun, HB, blood group leh HIV-te enfiah a ni.

PMSMA hi sorkar laipuiin nau chunga nu thihna (maternal death) tihniam tura hma a lakna kal zel a ni a, Mizoram chhungah pawh chak taka kalpui mek niin, Lawngtlai district-ah chuan July 2016 aṭangin thla tin ni 9-naah hman
ṭhin a ni.