No Tolerance Drive kalpui ṭan

Traffic police-te chuan nimin khan Aizawl khawpui chhungah zahngaihna tel loa dan bawhchhiate mana hrem hun, 'No Tolerance Drive/Checking' an kalpui ṭan.

No Tolerance Drive/Checking hi nimin khan Dawrpui pheiah hawn a ni a; rûi chunga lirthei khalh te, mei zu chunga leh mobile phone hmang chunga khalhte leh document felfai lote enfiah beihpui an thlak dawn a ni.

Traffic SP chuan thuchhuah siamin, Krismas leh kumthar vuakvetah mipuite leh lirthei khalhtute an sâhâwk ṭhin thu a tarlang a, "Lirthei chetsualna tur vên nan leh kan him tlan zawk nan he drive/checking hi kalpui a ni dawn," a ti.

Traffic SP tarlan danin, No Tolerance Drive/Checking neih chhunga dan bawhchhia mante chu danin chawi tura a tih tam ber chawitir an ni dawn a; zu leh drugs rui chunga lirthei khalh mante chu driving licence thla thum tal tihtawpsak (suspend) tur a ni.

Nimin tlai dar li thleng khan No Tole-rance Drive-ah hian two wheeler leh LMV 16 dan bawhchhia man an ni a, an pawisa chawi tling khawm chu Rs. 29,200 a ni.