Ruihhlo vangin mi 1,397 thi tawh

Excise & Narcotics department chhinchhiah danin, kum 1984 aṭanga November 8, 2016 thleng khan Mizoramah damdawi hman sual vangin mi 1,397 an thi tawh.

Kum 1984 aṭanga kum-in November 8 thlenga damdawi hman sual vanga thi tawhte hi mipa 1,247 leh hmeichhia 150 an ni a; an zingah proxyvon hman sual vanga thi tam berin, mi 1,167 an thi. Heroin vanga thi mi 140 leh damdawi leh ruihhlo dang vanga thi mi 90 an awm bawk.

Excise & Narcotics department chhinchhiah danin, kumin bikah, January aṭanga November 8 inkar chhungin ruihhlo vangin mi 54 an thi tawh a, mipa 46 leh hmeichhia pariat an ni. Thite chu heroin vanga thi mi 31, proxyvon vanga thi mi pahnih leh ruihhlo dang vanga thi mi 21 an ni.