Ni tin kawlphetha MM 8 vel siam chhuak

Power & Electricity department chhinchhiah danin, tun dinhmunah Mizoram aṭangin kawlphetha ni tin megawatt 8 vel siam chhuah ṭhin a ni. Hetih lai hian, state páwn aṭanga peak load laiin megawatt 80 leh off peak laiin megawatt 35 vel lak luh a ni ṭhin.

Kum nga chhung, 2011-12 aṭanga 2015-16 inkar chhungin Mizoramah kawlphetha million unit 201 siam chhuah a ni a, siam chhuah tam ber kum 2012-13 ah million unit 58.59 siam chhuah a ni. Power millon unit 201 hi hydel project 10 aṭanga siam chhuah a ni a, a siam chhuah tamna ber Serlui B aṭangin million unit 28.88 siam chhuah a ni.