Lottery-a sum hloh hrethiam lo

MPC party chuan thuchhuah siamin, Mizoram sorkarin The Mizoram Lottery aṭanga kum thum chhung, 2012-13
aṭanga 2014-15 inkara a sum hmuh tur vbc. 11808.77 a hloh chu hriat-thiam harsa an tih thu an tarlang a, "Hei hian Mizoram sorkar inthlahdahna leh dâwngdahna a tilang
chiang hleah kan ngai," an ti.

MPC chuan, Mizoram sorkarin sum indaih lohna chhuanlama hmanga
chhiah sang tak tak mipui a chawitir lai te, inên chhâwk ngai khawpa electric power-ah harsatna a tawh lai leh, inkalpawhna kawngpui ṭha sawi tur a lawi a neih loh laia sum
ṭhahnem tham tak Mizoram sorkarin an hlam-chhiah thei mai chu ram leh mipuite hmakhua an ngaih loh vangah an puh a; sum hloh chu ram chawikanna tham a nih thu an tarlang.