Bawlhhlawh sâwngbâwl dan zirho

Aizawl Municipal Corporation (AMC) chuan nimin khan AMC auditorium-ah corporator-te leh local council member-te pualin bawlhhlawh sâwngbâwlna dan thar, Solid Waste Management Rules, 2026 zirhona an buatsaih. Aizawl mayor H Lalremtluanga chuan, bawlhhlawh khawn leh sâwngbâwl danah AMC-a rawtna thlen duh tan an inhawn reng thu a sawi.

H Lalremtluanga chuan, Solid Waste Management Rules, 2026 chu ṭhangtharte tana chênna tlak khawvel siamna tura duan a nih thu sawiin, "A hlawhtlin theih nan kan zavaia thawhho a ngai dawn. Bawlhhlawh khawn leh sawngbawl danah AMC-a rawtna leh thu thlen duh an awm chuan AMC chu a inhawng reng. Bawlhhlawh thliar hran hi a hautak chungin kan ti thei ve zel a, Rules thar pawh hi LC, khawtlang hruaitute leh mipui thawhhona zarah a hlawhtlin leh ngei ka beisei," a ti a; thawhhopuiah LC-te a sáwm.

Solid Waste Management Rules, 2026 hi Ministry of Environment, Forest & Climate Change-in Environment (Protection) Act, 1986 behchhana a duan, India ram pumah April 1, 2026 aṭanga hman a ni a; danin a phût angin bawlhhlawh chu a bo a bâng awm loa khawn khawma sâwngbâwl tur a ni.

Bawlhhlawh thliar hrang ṭha lote leh a hmun loa bawlhhlawh paihte na zawka hremna theih an nih tawh dawn a; dan zâwm ṭha lo leh thuawih lote chu man theih an ni tawh dawn bawk.