NEC Plenary atana inpuahchahna thlirho

June 4, 2026 hian Shillong-ah North Eastern Council (NEC) Plenary vawi 73-na neih a ni dawn a; Plenary atana Mizoram inpuahchahnate June 1, Thawhṭanni khan Lok Bhavan-ah Governor Gen. Dr Vijay Kumar Singh hoin thlirho a ni.

Larsap chuan, India hmarchhak state hrang hrangte hmasawnna tur sorkar laipuiin a dah pawimawh thu a sawi a; Union Home Minister hoa neih tur NEC Plenary-ah Mizoram hmalakna leh mamawhte ṭha taka thlen a nih theih nan a kaihhnawih department hrang hrang hotute chu theihtawp chhuah turin a fuih.

Gen. VK Singh hoa ṭhutkhawmah hian NEC Plenary vawi 72-na, December 2024-a Agartala, Tripura-a neiha Mizoram kaihhnawih hmalakna tura tih bawhzui dan te, NEC Plenary 2026, Shillong atana inpuahchahnate Planning secretary David Lalthan-tluanga'n a lem nen a sawifiah.

NEC leh Ministry of DoNER hnuaia project kalpui mek - NEC funded project, NESIDS (Roads) project, NESIDS (OTRI) leh PM-DevINE project chungchangte sawiho a ni a; NEC Plenary-a Mizoram hamṭhatna atana thlen tur pawimawh hrang hrang sawiho a ni bawk.