No Official Vehicle Day-ah MST bus tlantir a ni dawn

General Administration department (GAD)-in office memorandum a lo chhuah tawh angin, vawiin Nilaini hi sorkar lirthei tlan chhuah lo ni, No Official Vehicle Day a ni a; Mizoram sorkar chuan Aizawla pisa kai tur sorkar hnathawkte tan MST bus a tlantir dawn.

Zing dar 7-ah Transport Complex, Chaltlang aṭangin MST bus pahnih tlan chhuakin, MINECO an pan dawn a; Khatlaa Assam Rifles gate bul (MINECO pêng) aṭangin zing dar 8:00, 8:15, 9:30 leh 9:45-ahte a chhuak ang.

Tlai lamah Inter State Police Wireless (ISPW), MINECO aṭangin dar 4:35, 4:45, 6:10 leh 6:20-ah te a chhuak dawn a ni.