Thisen pek kawnga hmalakna atan Thanzara'n AVBD-ah nuai 2 a hlan

Health minister Lal Thanzara chuan, nimin khan a pisaah a thlawna thisen pek kawnga hmalakna atan Associa-tion for Voluntary Blood Donation (AVBD) hnenah Rs. 2,00,000 a hlân.

Lal Thanzara chuan, thisen chu mihring nunna hnár ber pakhat, pawi^-mawh tak a nih thu leh mithiamte'n a thlakna an la siam chhuah theih loh a nih thu a sawi a; Mizo ṭhalaite'n thisen pek kawngah ṭhahnemngai lehzual se a duh thu sawiin, Mizo mipuite chu an hriselna vawng
ṭha a, thisen pek uar zel tur leh mite nunna chhantu ni turin a sáwm a ni.

Health Minister hian May 10, 2016-a Synod Higher Secondary School-a AVBD Silver Jubilee lawmna a hmanpuinaah thisen pek a tam leh zual theih nan AVBD hnenah company/firm-te aṭang-in Corporate Social Res-ponsibility (CSR) hnuaiah sum hmuhsak a lo tiam tawh a; a thutiam chu tihlawhtlingin, nimin khan AVBD president PC Lalhmingthanga hnenah Rs. 2,00,000 a hlân ta a ni.

AVBD chuan Health minister Lal Thanzara chungah lawmthu an sawi a; an pawisa dawn chu voluntary blood donation awareness campaign leh training buatsaih nan te, thisen petute hnena certificate pek tur siam nan leh a thlawna thisen pek a pun theih nan a
ṭul apiangah ṭangkai taka hman a nih tur thu Health Minister an hrilh.