KHAWTHLIR

Thisen pe

Dawrpui Branch KṬP chuan an din champha vawi 61-na pualin nimin khan Aizawl Civil Hospital tan thisen unit 37 an pe a, a petute mipa 36 leh hmeichhia pakhat an ni. Phulpui Branch YMA pawhin an din champha lawm nan Synod Hospital tan thisen unit 32 an pe bawk.

CYMA lawm

Central YMA chuan thuchhuah siamin, Assembly session-a The Mizoram Drugs (Control Substances) Act, 2016 pawm a ni ta chu lawmawm an tih tak zet thu an tarlang a, "He dan bawhzuitu turte leh hma latu turte pawhin ram leh hnam tana theihtawp chhuaha ṭan la turin CYMA chuan a beisei a ni," an ti.

NLUP sem

Commerce & Industries departmentg chuan Thawhṭanni khan Khawbungah an department hnuaia NLUP thlangtu mi 46 hnenah ṭanpuina sum an sem a, bialtu MLA T Sangkunga'n a hmanpui. NLUP ṭanpuina hi cheng nuai 21.62 sem ral a ni.

Zirlai zirtir

School Education department leh Champhai District Child Protection ṭangkawp chuan Thawhṭanni khan Champhai khawpui chhunga sikul hrang hranga zirlai naupangte Sexual Abuse & Protection chungchang an zirtir.

Pawhsei duh lo

MZP chuan thuchhuah siamin, Mizoram Law College-a part-time lecturer-te thawh hun chhung pawhsei ni ṭhin chu ṭha lo an tih thu an tarlang a, "Advertisement chhuaha thawktu la ṭhin tawh turin thuneitute kan ngen a ni," an ti.

Ngaihtuah leh dawn

Mizoram State Election Commission chuan thuchhuah siamin, Siaha district-a Chhaolo-II village council by-election ni 15.12.2016 a neih tur dilna chu an ngaihtuah a, MADC hnuaia LAD in Village Council Constituency Boundary notification a tih chhuah hnua ngaihtuah ṭhat leh turin thu a dah a ni.