Kuminah Aizawlah a hmun loa Lirthei dah 2,912 man a ni tawh

Aizawl Traffic Police chuan kuminah November 2016 thleng khan Aizawl khawpui chhunga lirthei dah/hûn phal lohna hmuna dah 2,912 an man tawh.

Thu dawn danin, kumin chhunga Traffic police-in lirthei dan bawhchhia an man zingah no parking-a lirthei dah man a tam ber a, driving licence nei loa lirthei khalh mi 1,468 an man tawh bawk.

Traffic police hotute sawi danin, lirthei dah phal lohna hmuna dah an man zingah two wheeler a tam ber. No parking-a lirthei dah an mante chu pawisa chawitir ṭhin ni mah se, an pawisa chawi a tam loh avangin mipuiin an pawisa tâwk loah an ngai. Driving licence nei loa lirthei khalh an man zingah kum tling lo an tam ber a ni.

Traffic police hotute chuan, nu leh pate chu dri-ving licence nei lo chunga an fate lirthei khalhtir lo turin an chah a ni.