Puanṭhui khawl leh rangva sem

Aizawl West-II bialtu MLA Lal-ruatkima chuan nimin khan Kanan Veng community hall-ah bialtu MLA fund hmanga a lei puanṭhui khawl 63 leh rangva bundle 37 chu a dawng tura thlante hnenah a hlan.

Lalruatkima chuan, MLA-te'n fund an dawn chu bial chhung hmasawnna tur leh mipuite tana ṭangkai hman tura tih a nih thu a sawi a, "MLA fund hmanga kan hnathawh leh kan thil tihte hi a nihna tur ang takin veng chhung leh kan khawtlang hmasawn nan dik takin kan hmang tur a ni," a ti.

Ṭanpuina dawngtute zingah chhung-kaw harsatna vanga tihral ngai ngei ngai an awm chuan, khawtlang hruaitute hrilh vat tura chahin Lalruatkima chuan, hralh an tumna ang zata khul a, mi dang mamawhte hnenah hlan chhawn zel a tum thu a sawi.