CYMA leh damdawi zuarte'n ruihhlo do dan tur an sawiho

Central YMA hruaitute chuan nimin khan an pisaah damdawi dawr neitu pawl, Mizoram Chemist and Druggist Association (MCDA) hruaitute an kâwm a; Dâk (India Post) kaltlanga khuh damdawi chah luh tam lutuk chungchang leh ruihhlo donaa thawhho dan tur an sawiho.

Inkawmhona hi CYMA president R Lalngheta'n a kaihruai a; Dâk kaltlanga khuh damdawi chah luh tam lutuk chungchangah, ṭhalaite'n ruihna atana an hman khuh damdawi chi hrang hrang tun hnaia Dâk kaltlangin dawr neitu ṭhenkhatte'n tam tham tak ṭum eng emaw zat chah luh ṭhin thu a sawi ni. MCDA hruaitute chuan, CYMA nen theihtawp chhuaha en zui ni se, an ti.

CYMA hruaitute hi nimin vek khan 34 Assam Rifles commandant Col. Laldinpuia leh hotu dangte nen CYMA pisaah an inkâwm bawk a, ruihhlo do chungchanga hmalakho dan tur an sawiho a ni.