Raltlante buhfai sem tur sawiho

Nimin khan Lawngtlai bawrhsap Donny Lalruatsanga kaihhruaiin a pisaah an district-a raltlante hnena buhfai sem chungchang sawiho a ni. Raltlante'n a huna taka buhfai an dawn theih nan hmalak ni se an ti a; raltlan awmna khua/veng VC leh pawlte'n chak zawka an bawhzui theih nan a ṭul anga hmalak an rêl.

Lawngtlai Bawrhsap chuan, kumin bikah raltlante tan buhfai quintal 2,850 sem tura ruahman a ngaih thu sawiin, "Raltlante'n a hun taka an dawn a pawimawh a, kudam aṭanga buhfai phurh chhuahah raltlan awmna veng VC leh NGO-te an pawimawh," a ti a; ṭhahnemngai taka sawrkar thawhpui turin ṭhutkhawma telte a sáwm.