Lawngtlai dist-a khaw pahnih Tuihri vangin inkhârkhip mek

Lawngtlai district-a Lunghauka leh Darnam-tlang khuaah tuihri (cholera) nia hriat a lêng mek a, hei vang hian heng khaw pahnih hi tlawhpawh phal a ni lo a, khaw mite pawh khaw dangah chhuah phal a ni lo. Darnamtlangah chuan tuihri vangin tun hnaiah mi pahnih an thi tawha sawi a ni.

Nikum 2025 November thla velah pawh khan Lawngtlai district-a Kaki-chhuah leh Hruitezawl khuaah tuihri nia hriat a lêng tawh a, Kaki-chhuahah chuan mi paruk velin an thih phah a ni.