Tuiah mi pahnih an tla hlum

June 6, Inrinni khan hmun hnihah mi pahnih tuiah an tla hlum a, Inrinni vêk khan an ruang hmuh ve ve a ni.

Lalbiakdika Tochhawng (27) s/o Zabiaka Tochhawng, Kawrtethawveng chu June 6 tlai dar 3 vel khan Serlui A-a Licheng/Limawiah chesualin a tla hlum a, zan dar 8 velah a ruang lak chhuah a ni.

Lalbiakdika hi Solomon High School-ah zirtirtu niin, Kulikawnah mi in luaha khawsa a ni a; a tlak hlumna hi Tlawng lui Reiek kai chhakah niin, ṭhian hoa kal an ni. A ruang hi an khua Kawhtethawvengah vui a ni.

Bonfura (21), Salem Veng, Aizawla hostel-a awm chu L&B Resort, Lungverhah an ṭhianhoa an intihhlimnaah tuikhuahah a tla hlum a, a tlak aṭanga rei vak loah a ruang lak chhuah a ni. Bonfura hi Myanmar lam mi a ni a, a ruang pawh June 6 zan khan an khua panpui a ni.