Pawl 6-in thisen unit 346 an pe

June 6, Inrinni khan pawl parukin thisen unit 346 an pe. Salvation Army Youth Central North Division-in Civil Hospital, Aizawl tan Kanan Corps kohhran hall-ah unit 100 an pe a, petute mipa 79 leh hmeichhia 21 an ni a; Venghnuai Branch YMA-in ZMCH tan unit 63 pein, petute mipa 48 leh hmeichhia 15 an ni.

Synod Hhospital tan KṬP, Dawrpui Bialin thisen unit 76 pein, petute mipa 71 leh hmeichhia panga an ni a; KṬP, Zemabawk Branch pawhin unit 49 pein, petute mipa 42 leh hmeichhia pasarih an ni. KṬP, Lunglei Chanmari Bialin Lunglawn Kohhran hall-ah donation camp huaihawtin, Lunglei Civil Hospital tan unit 31 an pe a, petute mipa 25 leh hmeichhia paruk an ni. KṬP, Serchhip Vengchung Bial pawhin Serchhip District Hospital tan unit 27 an pe bawk a, petute mipa 23 leh hmeichhia pali an ni.