KHAWTHLIR

Pistol pahnih man

Assam Rifles leh Mizoram Police thawk dun chuan June 5, 2026 khan Chanmari West-ah Italy siam .22mm Beretta pistol pahnih an man a, a kaihhnawihah mi pathum an man bawk. Police leh Assam Rifles te hian an thu dawn bawhzuiin Chanmari West-a dawr pakhat an dap a, pistol pahnih an hmu chhuak a; Vaivakawn Police Station-a thubuai ziah luh a ni.

SIR kalpui endik

Champhai district election officer (DEO) Mohammad Aaquib chuan June 6, Inrinni khan electoral roll ennawn beihpui thlakna, Special Intensive Revision 2026 neih mekah Champhaia booth level officer (BLO)-te a tlawh kual a; harsatna an neihte enfiahin, chak leh tluang zawka hmalak dan turte a sawipui.

CADS ruihhlo man

Central YMA hnuaia ruihhlo dotu, Central Anti Drug Suad chuan May 22, 2026 aṭanga June 5, Zirtawpni thleng khan heroin hawng 78, TicTac but 174 leh chhinsen pakhat an man a; ganja kg 7.818 leh damdawi (pill) mum sarih an man bawk. Ruihhlo kaihhnawihah hian mi 73 an man a; mi pasarih chu Excise & Narcotics department-ah hlanin, mi pathum chu home-ah an dah a ni. CADS hian June 4, 2026 zan khan Sairang rel chawlhhmunah Assam aṭanga rawn Mampu Roy (33), Bhatgram leh Krishna Baishnap (41), Brahman Gram, Cachar district-te hnen aṭangin ganja kg 6.269 an man a ni.

MNF-in candidate an puang dawn

MNF party chuan vawiin hian Mizo Hnam Rûn, Aizawlah Rajya Sabha MP inthlan awm tura an candidate tur an puang dawn. Rajya Sabha MP thlan turah hian ZPM chuan an candidate atan K Laltluangkima an thlang a, ani hian nomination a thehlut tawh. Party dangin candidate an neih dawn leh dawn loh hriat a la ni lo.