MSPMC-in hnathawh mekte thlirho

Mizoram State Project Monitoring Committee (MSPMC) chuan June 5, 2026 khan an vice chairman R Lal Rinawma hoin Aizawl, Hnahthial leh Thenzawla hmasawnna hna thawh mek pasarih an endik tawhte chungchang an thlirho.

Thlirhonaah hian MSPMC-in project pasarih an lo endik tawh - Khatla, ITI, ZMCH leh Thenzawla Working Women Hostel sak mek, Industrial Training Institute (ITI) tihchangtkun hna thawh mek, Muallungthua Central Medical Warehouse sak mek, khum 50 awmna tur Hnahthial District Hospital Complex & procurement of equipment chungchangte sawiho a ni.

MSPMC member-te chuan perject an sawihoa harsatna awm theite an thlirho a; hna ṭha tak neih dan tur te, a hun taka hna an zawh theih lohna chhan leh harsatna hrang hrang awm theite sutkian dan tur te, a rang thei ang bera hna zawh ngei a nih theih dan turte an sawiho bawk.