Bawlhhlawh sâwngbâwlna hmun enfiah

Aizawl Municipal Corpo-ration-a corporator-te leh offi-cial-te chuan World Environ-ment Day (June 5) pualin June 6, Inrinni khan Aizawl bawlhhlawh sâwngbâwlna hmunte leh Aizawl Bazarpui an tlawh.

AMC corporator-te leh officer-te hi hlawm li-ah an inṭhen a; Tuiriala bawlhhlawh sawngbawlna - Solid Waste Management Centre leh Common Bio Medical Waste Treatment Plant te, New Market leh Thakthing Venga Reduce Reuse & Recycle (RRR) Center te an tlawh a ni.

Corporator-te hian Tuiriala bawlhhlawh sawngbawlna dinhmun an en a, thawktuten an hmalak dante lo hrilhfiahin, bawlhhlawh ṭawih thei aṭanga leiṭha an siam dan te, bio-medical waste (damdawi lam bawlhhlawh) an sawngbawl dante an lo entir a ni.

Aizawl Bazarpuiah kalin, bazara bawlhhlawh thliar hran dan an en bakah, bawlhhlawh thliar dan an hrilhfiah a; RRR Centre-ah thawktute'n bawlhhlawh siam tlem, hman nawn leh hman nawn theih tura hma an lak dante an lo entir bawk.

AMC corporator-te hian World Environment Day pualin tun karah an ward chhung ṭheuhah bawlhhlawh thliar chungchangah hma an la chhunzawm dawn a ni.