BJP-in AMC-a an candidate tur an puang

BJP, Mizoram Pradesh chuan nimin khan Aizawl Municipal Corpo­ration (AMC) inthlana an party candidate tur mi pariat an puang a; BJP zawm tharte an lawm lut nghal tih an tarlang.

Mizoram BJP thuchhuah tarlan danin, AMC inthlana an party can­di­date tur an puan hi a thawh khatna (first phase) a ni a; vice president JB Rualchhinga'n kaihruai­in, president Vanlalhmuaka'n lawm luhna hun a hman rualin thu a sawi. Candidate Search Committee secre­tary P Sanghmingthanga, BJP secretary-in candidate turte a puang a ni. 

BJP president Vanlalhmuaka chuan, Mizoram BJP-te chu ram leh hnam tana hnathawk tur a inpe an nih thu sawiin, rilru thar nen inbuatsaih turin an mite a sáwm a, "BJP hi mi tam takin sum leh nihna beiseiin an lut ṭhin a, mah se, an beisei ang sum leh nihnate an hmuh loh chuan rei lo têah an chhuahsan leh mai ṭhin," a ti.