KHAWTHLIR

Lawmpuina hlan

Lunglei bawrhsap Navneet Mann chuan nimin khan a pisaah nurse thawk ṭha chawimawina, National Florence Nightingale Award 2026 dawngtu Lalenthangi Hnamte, Ayush Health & Wellness Centre, Tuichawnga health worker hnenah lawmpuina a hlan. Lalenthangi Hnamte hian International Nurses Day, May 12, 2026 khan Rashtrapati Bhavan-ah president Droupadi Murmu hnen aṭangin National Florence Nightingale Award a dawng a, Mizoram aṭanga Nightingale Award dawng thei 18-na a ni.

Online-a fill-up dan inhrilhfiah

Electoral Roll Special Intensive Revision 2026 kalpui mekah nimin khan Lawngtlaiah Mizoram sorkar leh Lai Autonomous District Council hnuaia gazetted officer-te tan online-a enumeration form fill-up dan inzirtirna, 'Sensitization on Filling up of Enumeration Forms through Online Mode' buatsaih a ni a; officer ṭhahnem tak an tel.

Kawng khar dawn

Chawnpui venga Ebenezer Medical Center - Kângṭhelhkawn inkar kawngah zanin dar 9 aṭangin pipe phûm hna thawh a ni dawn a, hei vang hian hna thawh chhung zawng kawngpui khar a ni dawn. Zan dar 9 aṭanga a tuk zing dar 5 thleng hna thawh ṭhin a ni ang.

Barista training

Coffee Board of India-a Coffee Quality Division chuan nimin khan ELK Business House, ELK Plaza, Chaltlangah Barista Training an buatsaih. Ni nga awh tur training hi Coffee Board of India leh ELK Business House buatsaih a ni a, Mizoram hmun hrang hrang aṭangin café-a thawk te, barista nih tum te, sumdawngte leh coffee ngainatute an tel.