Serchhipah IPRO leh MJA-te inkâwm

Nimin khan Serchhip district-a MJA-te chuan IPRO K Saitluanga hoin a pisaah kum thar pualin thingpui inhona leh inkhawmhona hun an hmang. K Saitluanga chuan, MJA member-te chu inthlahrung loa an mamawhte IPRO pisaa lam ṭhin turin a chah.

Serchhipa IPRO K Saitluanga chuan, kum kal ta chhungin Serchhip district MJA chhungkuaah harsatna lian leh chhiatna tâwk an awm loa a hriat thu sawiin, lawmawm a tih thu a sawi a, "Hripui vanga buaina karah thuthar thehdarhtute'n fak tlakin sorkar in thawhpui a, kum thar lo her chhuakah pawh thawhhona ṭha tak kan neih zel ka beisei," a ti.

Serchhip MJA president Kapliana Pachuau chuan, IPR department chu nu leh pa anga an en thu sawiin, "A ṭul ang zela thawhpui turin kan inpeih reng a, in ṭhahnemngaihna azarah Press Club hial kan nei ta a, kan lawm hle a ni," a ti. Social media-ah thu léngvâk a tam ṭhin avangin journalist-te ṭan sauh sauh a ṭul thu a sawi bawk.

Serchhip district  MJA-ah hian member 14 an awm mek a ni.