Aizawl district-ah thubuai La chin fel loh 354 a awm

Nimin khan ni thum awh tur Aizawl SP hnuaia thubuai awmte SP conference hall-ah thlirlet ṭan a ni a; Aizawl district-ah thubuai chinfel loh (pending) 354 a awm mek thu tarlan a ni.

Aizawl SP Lalhuliana Fanai chuan police officer-te chu rim tak leh taima taka hna an thawh vanga an hlawhtlinnaah fakin, "Thâ thlah mai loa ṭan zel a pawimawh," a ti a; hunpui lo thleng tur chu mipuite'n hlim taka an hman theih nan lirthei khalhtute ruih theih thila an fihlim leh fihlim loh breath analyzer hmanga endik ṭhin turin a chah.

Aizawl SP chuan, police-te chu sorkar hna-thawk zingah mipuite rawngbawl nasa ber an ni tih sawiin, "Ṭanpui ngai lo kal an awm chuan theihtawp chhuaha lo
ṭanpui zel tur a ni," a ti.

Meeting-ah hian Aizawl district-ah case pending mek 354 chinfel dan tur sawiho a ni a, case 36 chu case lian leh harsa zual a nih thu tarlan a ni.