Department-a hnaruakte hnawhkhat tura rawtna thehlut

Mizoram sorkara department hrang hranga hna lak chungchang ngaituahtu tura Committee din chua,n nimin khan an rawtna, 'Recommendation of the Committee Constituted to Assess the Necessity for Filling up of Posts under Direct Recruitment Quota' tih chu chief secretary Lalmalsawma hnenah an thehlut.

Sorkar thuchhuah tarlan danin, department hrang hrangah hun eng emaw chen direct recruitment quota-a hna lak mumal a awm tawh loh avangin department tam takin harsatna an tâwk. Chuvang chuan, direct recruitment quota-a hna ruak awmte zir chiang a, a
ṭul zual hnawhkhah dan ngaihtuah turin Chief Secretary chuan March 23, 2016 khan Committee a din a ni.

Committee-ah hian principal secretary Renu Sharma chu chaiperson a ni a, DPAR secretary Ramdinliani chu member secretary a ni. Member-te chu Agriculture secretary Lalhmingthanga leh IPR secretary B Lalthanliana te an ni.

Direct recruitment quota-a hna-ruak hnawhkhah chungchang ngaituahin Committee member-te chu vawi sarih an ṭhukhawm a, department 42-in an post ruak dinhmun an thehlut. Committee chuan department-te chu a mal mala koin, an hnaruakte hnawhkhah an mamawh dan an sawipui a ni.

Committee hian ngun taka a zir chian hnuah department hrang hrang 34-a post mamawh ṭul zual (priority) eng emaw zat hnawhkhah turin rawtna a thehlut ta a ni.