Dr Thangtea eirûk thubuai a ni zawk : MPCC

Congress party chuan, thuchhuah siam-in, MNF vice president Dr R Lalthangliana thubuai chu a ina chaw eikhawm chung-chang ni loin, RD Minister a nih laia Sangau BDO pisa aṭanga sum a ṭhâm ṭhen chungchang a nih thu an tarlang.

MPCC chuan, "Dr Thangtea thubuai hi a ina chaw eikhawm chungchang a ni lo a, MPCC Media department-in ACB-a FIR a thehluh chu, Sangau BDO Office
aṭanga RD department changtu minister-in sum a lo ṭhâm chungchangah a ni," an ti.

Sangau BDO pisa aṭanga sum ṭhâm chungchang chu Vigilance department-in bawhzui tlaka a ngaih avangin ACB-in an chhui zui ta nia sawiin, MPCC chuan, "Investigation an neih aṭangin ACB chuan BDO office aṭanga sum ṭhâm aia pawi zawk, mahni sum lak luh leh rosum neih inhen lo lutuk chu Dr Thangtea chung-changah an hmuchhuak a ni," an ti a; chuvang chuan Prevention of Corruption Act hnuaiah thubuai an siamsak ta niin an sawi.

Congress party chuan, Dr R Lal-thangliana ina chaw eikhawm chung-changah thubuai a awm a nih chuan, MNF lamin FIR an thehluh vang zawk a nih thu an sawi bawk.