SSA leh RMSA hlawh tur Delhi-ah Officer-te'n nawr dawn - Himpuia

Mizoram RMSA Employee Welfare Asso-ciation (MIREWA) chuan nimin khan Chanmari YMA Hall-ah inkhawmpui an hmang a; khuallian parliamentary secretary (School Education) Joseph Lalhimpuia chuan, SSA leh RMSA-a thawk-te'n a hun taka hlawh an lak theih nan officer intírin Delhi-ah nawr a nih dawn thu a sawi.

Joseph Lalhimpuia chuan, sorkarin thawktute hlawh a ngaih pawimawh thu sawiin, "SSA leh RMSA-a thawkte'n a hun taka hlawh an la mumal thei lo hi sorkarin a ngaimawh a, Delhi-ah officer-te tírin nawr zui a ni dawn. SSA-in sorkar laipui
aṭangin vbc. 37.06 a dawng tawh a, Mizoram sorkarin pawhin matching share vbc. 6.13 a pe tawh. Tun-ah hian Finance aṭangin vbc. 1.6 beisei mek a ni. RMSA-ah pawh sorkar aṭangin vbc. 19.16 leh state aṭangin vbc. 1.32 hmuh a ni tawh a, vbc. 1.59 chu Finance aṭanga tihfel mai beisei a ni," a ti.

RMSA school-te chu thingtlang kilkhâwr tak taka awm ni mah se, thawktute thawhrimna avangin zirlaite'n HSLC examination ṭha takin an pass thei tih a sawi.