Serchhipah Mock Exercise on Earthquake

National Disaster Management Authority, State Disaster Management Authority leh Serchhip District Disaster Management Authority-te chuan, nimin khan Serchhip khawpui hmun hrang hranga lirnghing a thlen thulha chêt lak dan tur enchhinna, Mock Exercise on Earthquake an buatsaih.

Enchhinnaah hian Serchhip chhim lam km. 10-a hlá, Dawngzawl ramah lei hnuai km. 30-a thûkah lirnghing magnitude 7-a náin a sâwi anga lantir a ni a; Serchhipa hmun pali - Bazar, AOC Veng, Serchhip HSS leh DC Office-ahte chhiatna thleng anga changin, Serchhip khawpui hmun thumah kawng dangin, mi 50 thi ang leh, mi 200 chuang hliam tuar anga lantir a ni.

Chawhnuah DC pisa conference hall-ah DC Dr Lalrozama hoin mock drill an thlirlet nghal a; chanvo hrang hrang changtute thil tih dan observer atana ruatte'n an sawi bakah, tih dik lo leh fel lo awmte leh ruahmanna tharte an sawiho a ni.