Republic Venga mi 5 thattua puh Laltlanchhuaha hrem thuai phût

9th January, 2019

Republic Veng Joint Action Committee chuan thuchhuah siamin, January 9, 2015 zana an venga tualthahna rapthlak tak, Sangliansiama te chhungkuaa mi panga

ṭum khata thattua puh Laltlanchhuaha chungthu rel fel thuai an phût thu leh, a na thei ang bera hrem an phût thu an tarlang.

Republic Veng JAC chuan, vawiin, January 9 hi Laltlanchhuaha'n Sangliansiama, Republic Vengte chhungkuaa mi panga lai râwng taka a thah champha vawi lina a nih thu sawiin, Republic Veng mipui rilru a nat thar thu an tarlang a, "He tualthahna rapthlak tak hi kan hre reng a, Republic Veng JAC-in Laltlanchhuaha chungthua thuchhuah a lo nei tawhah khan kan ding nghet tlat a, a na thei ang bera a chungthu hi roreltute'n rel fel tawh turin kan phût tlat a ni," an ti.